უკან დაბრუნება
ზურაბ ეზუგბაია 2022 წლის ნოემბრიდან არის იურიდიული ფირმა "ემ ქეი დის" მრჩეველი და წამყვანი კონსულტანტი. მისი სპეციალიზაციის ძირითადი სფეროა ენერგეტიკა და ინფრასტრუქტურა (განსაკუთრებული აქცენტით ელექტროენერგიის ბაზრებსა და რეგულაციებზე). მას აქვს 20 წელიწადზე მეტი პრაქტიკული გამოცდილება სხვადასხვა სახელმწიფო და სახელმწიფოს დაქვემდებარებაში მყოფ ობიექტებში ენერგეტიკისა და ელექტროენერგიის მიმართულებით.
ზურაბ ეზუგბაია ფლობს იურისტის კვალიფიკაციას და გააჩნია როგორც საჯარო, ასევე კერძო სექტორში მუშაობის მრავალწლიანი გამოცდილება.
სხვადასხვა დროს ზურაბ ეზუგბაიას ეჭირა მრჩევლის, დირექტორის მოადგილის და სხვა მენეჯერული პოზიციები საქართველოს სახელმწიფო ელექტროსისტემაში, საქართველოს ელექტროენერგეტიკის საბითუმო ბაზარში, სახელმწიფო კანცელარიში. 2001-2003 წლებში ზურაბ ეზუგბაია გახლდათ საქართველოს იუსტიციის მინისტრის მოადგილე და საპარლამენტო მდივანი.
