პრაქტიკული საქმიანობის ძირითადი სფეროები:
საგადასახადო სამართალი, პროექტების ფინანსები

მთავარი სექტორები:
ენერგეტიკა და ინფრასტრუქტურა, სასტუმრო და უძრავი ქონება, სამომხმარებლო პროდუქცია, ფარმაცევტიკა და ჯანდაცვა

შორენა მჟავანაძე არის იურიდიული ფირმა "ემ ქეი დის" ფინანსური და საგადასახადო მენეჯერი. ის კომპანიას 2003 წელს შეუერთდა, ხოლო 2009 წლიდან საქმიანობს საგადასახადო სამართლისა და პროექტების ფინანსების მიმართულებით. შორენა მჟავანაძე კონსულტაციას უწევს როგორც ადგილობრივ, ისე საერთაშორისო მომხმარებლებს საგადასახადო სამართლის ფართო სპექტრის საკითხებზე, მათ შორის საგადასახადო დაგეგმვაზე, დღგ-ზე, საბაჟო საკითხებსა და რეგულაციებთან შესაბამისობაზე, განსაკუთრებით რთულ საერთაშორისო ტრანზაქციებსა და ინფრასტრუქტურულ პროექტებში.

მის მნიშვნელოვან პროფესიულ გამოცდილებას შორის არის Alikarnassos Hotel Touristic Societe Anonyme-ს (საბერძნეთი) სამართლებრივი და საგადასახადო კონსულტაცია “Sheraton Metechi Palace”-ის აუქციონთან დაკავშირებით; APCO Worldwide-სა და JTI Caucasus-ის სამართლებრივი მხარდაჭერა საგადასახადო, დღგ-ს, საბაჟო, რეკლამისა და თამბაქოს რეგულირების საკითხებში; ასევე BP-ის კონსულტირება რეგულირების, საგადასახადო და საბაჟო საკითხებზე ბაქო-თბილისი-ჯეიჰანის ნავთობსადენისა და სამხრეთ კავკასიის გაზსადენის (შაჰ-დენიზი) პროექტებთან დაკავშირებით.

შორენა მჟავანაძე კონსულტაციას უწევდა არაერთ მსხვილ საერთაშორისო კომპანიას, მათ შორის: Perdue Farms Incorporated, Procter & Gamble, GlaxoSmithKline, ConocoPhillips BTC, Capital Turbines Australia, Meydan Group, Nokia Corporation, QSI International School და Norbert Schaller GESMBH - სხვადასხვა საგადასახადო და საბაჟო სამართლის საკითხებზე.

შორენა მჟავანაძემ წარმატებით დაამთავრა თბილისის სახელმწიფო უნივერსიტეტი  ფინანსებისა და საბანკო საქმის სპეციალობით (1999), ხოლო 2003 წელს დაიცვა მაგისტრის ხარისხი იმავე უნივერსიტეტში. 2004 წელს მან წარმატებით დაასრულა ბიზნეს ინგლისურის კურსი English College London-ში.

მშობლიური ენის ქართულის გარდა, შორენა სრულყოფილად ფლობს რუსულ და ინგლისურ ენებს.